Idea e Fundamento
 
High-Five...
In le municipio de Holbæk in Danmark (70.000 habitantes) il ha citatanos de in toto 86 nationes. Commun pro illes es le necessitate de un confidentia in se mesme que da fide in le defias del futuro. Per un bon amor proprie le confidentia cresce, e le "Lege de confidentia in se mesme", que es un inversion del "Lege de Jante" monstra 10 sentieros a "confidentia in se mesme" - per le 10 commandamentos de confidentia in se mesme in linguas diverse.

(Le "Lege de Jante" per Aksel Sandemose: Generalmente usate colloquialmente como un termino sociologic pro describer negativemente un attitude verso individualitate e successo, que es commun in Scandinavia. Le termino refere a un mentalitate que refusa recognoscer effortios individual e placia tote emphase sur le collectivo durante que on puni illes qui se distingue per haber successo. Le termino pote sovente esser usate negativemente per individuos qui - con ration plus o minus justificate - senti que illes non es permittite glorificar se de lor resultatos, o pro indicar le opinion que un altere persona es exaggeratemente critic.)

Le scopo de iste projecto es supportar le multe juvenes qui habita in Holbæk, assi que illes pote obtener plus de fide in se mesme e per isto un vita plus active. Un grande amonta de confidentia in se mesme simplemente face crescer le possibilitates de cata singule persona a obtener education e labor, lo que durante iste annos es decisive a causa del numero crescente de disoccupatos juvene. Le projecto anque ha como scopo initiar le dialogo multicultural. Parlar le unes al alteres e non super le alteres! Desde le initio le projecto ha essite multo ben recipite, e un numero impressionante de sponsores ha benevolentemente date lor contribution a facer isto possibile.

Le projecto comencia in le districto de Holbæk, ma le spero del gruppo de projecto - e nos vole facer tote lo que nos pote - es que iste projecto pote diffunder se in tote le pais e ancora ultra le frontieras danese. Le material de usque ora plus que 45 linguas es liberemente accessibile in le sito de Internet. Omnes es benvenite a discargar e imprimer exactemente lo que illes desira. Nos spera que multe personas senti le besonio de diffunder le message per lor retes - e si tu incontra un persona qui non pote trovar le lege de confidentia in se mesme in exactemente su lingua, per favor, incoragia le/la a contactar Stig Elliot Nyegaard (elliot@post1.tele.dk), qui benevolentemente va initiar un dialogo de como facer isto possibile.

Il es nostre spero sincer que per iste projecto un grande numero de gente va trompettar le importantia de confidentia in se mesme e amor proprie - al avantage de si multes como possibile. Il es nostre spero que scholas, societates, clubs e tote altere retes vole imbraciar iste projecto. Bon placer - in le persecution de confidentia in vos mesme.

Senest opdateret 2012-12-13 12:12 af REH